का असे वागणे हे

नकोत सबबी आता
पुरे झाले बहाणे
का असे वागणे हे
होऊन उगी शहाणे
.....का असे वागणे हे
होऊन उगी शहाणे


बंध अंतरीचे खोल
काळजावरी अन वार
सोसून सारे रागरंग
जुलमी हे दूर रहाणे
.....का असे वागणे हे
होऊन उगी शहाणे

मल्हार गायचा
कधी जो ऐनवेळी
पावसाचे अताशा
होते उदास गाणे
...का असे वागणे हे
होऊन उगी शहाणे

लवत्या पापण्यांना
किती धीर द्यावा
स्वप्नी पुन्हा तुला मी
कितीदा पहाणे
...का असे वागणे हे
होऊन उगी शहाणे

....शब्दसखा