वारा

वारा आला हा असा

गाणे तुझेच गायी

सुरेल हलकी झुळुक त्याची

तुच भासे मज ठायी ठायी

तुही अशीच होतीस कधि

याच वा-यासारखी

म्हणायचीस मला फ़ुल

अन तु फ़ुलपाखरासारखी

उनाड वारा आज हा

असा मज खिजवुन गेला

आठवणी तुझ्या दरवळल्या

आठवणींत ह्या मला भिजवुन गेला

आठवत तुला...याच वा-यासवे
आपणही कधि भनानलो होतो
घेऊन कवेत यास मुक्तपणे
नभि आपण विहारलो होतो

तू नसलीस जरी आज

तरी माझे या वा-यात येणे होते

रौद्र त्याच्या आवाजात

माझ्या हुंदक्याचेही मौन होते