ओठ ओठांनीच भिजवायचे होते - गझल!

वृत्त - गालगागा गालगागा लगागागा
************************
ओठ ओठांनीच भिजवायचे होते
प्रेम प्रेमाला तुझ्या द्यायचे होते

मैफ़ल शब्दांची सुनी जाहली आता
हुंदका आला अजुन गायचे होते

जिंकलो मी मानली हार त्यानेही
आयुष्याशी अजुन भांडायचे होते

कोण माझे ना कुणाचा जराही मी
आज खोटेच मज रुसायचे होते

वाहताना आज वारा धुंद झाला
दीप विझला ज्यास अजुन जळायचे होते

श्वास अडखळले शब्दांचे अर्ध्यावरती
रंग अजुन गझलेस ल्यायचे होते

--संदीप सुरळे