’कूळ तुमचे नष्ट व्हावे’

जयपूर मध्ये प्राण गमावलेल्यांना श्रध्दांजली.....
देश माझा मीच उसने श्वास घ्यावे
मी शिकार घरात माझ्या का ठरावे?

मांडती बाजार बडवे हे जिवांचा
का मला त्यांनी लिलावी धरावे?

मीठ खाती त्याच ताटी थुंकती हे
लोकशाही अन मागते येथे पुरावे

आपले होऊन त्यांचे वागणे हे
कुंपणाने शेत येथे मग चरावे?

भ्याड साला वार तू पाठीत करशी
एकदा रे होऊनी तू मर्द यावे

कोवळ्याशा या जिवांना मारणारे
शाप माझा ’कूळ तुमचे नष्ट व्हावे’

--शब्दसखा!