’रात्र आरंभ’

अदृश्य रंगामध्ये मिसळुन
प्रकाशही बेईमान झाला...
सावलीही साथ सोडुन गेली
समोर उभा तो धिप्पाड अंध:कार...
मला गिळण्यासाठी..
त्या प्रकाशासारखंच...
फ़क्त एक क्षण...
माझा एकच क्षण त्याला हवा आहे..
त्या एकाच क्षणात तो जिंकेल..
पण मला,
मला प्रत्येक क्षणी जिंकायला हवं..
एकाच क्षणाची गफ़लत
आणी................
पण मला जगायचंय..
पुन्हा प्रकाश येईपर्यंत..
ह्या काळाला मला हरवायचंय..
ह्या काळरातीशी मला लढायचंय...
अहोरात्र...

सारं जग झोपेल आता
पण मला,
मला मात्र जागायला हवं त्याच्यासोबत,
कारण,
कारण ’रात्र आरंभ’ होतेय ...

--शब्द्सखा!